Mobil tətbiqin məxfilik siyasəti
Bakues.az tətbiqində hesab açmadan xəbər oxuya bilərsiniz. Bu səhifədə tətbiqin hansı məlumatları cihazınızda saxladığını, hansı xidmətlərə bağlandığını və seçimlərinizi necə dəyişə biləcəyinizi izah edirik.
Son yenilənmə ·
Cihazınızda saxlanılan məlumatlar
Tətbiq yadda saxladığınız xəbərləri, son səkkiz axtarışınızı, görünüş rejimini, yazı ölçüsünü və statistika seçiminizi cihazınızda saxlayır. Son yüklənmiş ana səhifə və redaksiya ayarları oflayn oxu üçün saxlanılır. Şəkillərin müvəqqəti surətləri də cihazda qala bilər.
Axtarış tarixçəsini «Axtarış» ekranında təmizləyə bilərsiniz. «Haqqımızda» bölməsində «Cihazdakı məlumatlar» altından saxlanılan xəbərləri silə və oflayn ana səhifəni ayrıca təmizləyə bilərsiniz. Bu iki seçim şəkillərin müvəqqəti surətlərini təmizləmir.
Xəbər oxuduqda və axtarış etdikdə
Xəbəri açdıqda tətbiq Bakues serverindən mətn və şəkil istəyir. Axtarış etdikdə nəticələri tapmaq üçün yazdığınız sözlər serverə göndərilir. Xəbərləri çatdırmaq, nasazlıqları araşdırmaq və zərərli trafiki məhdudlaşdırmaq üçün Bakues.az Cloudflare şəbəkəsindən və Hetzner serverlərindən istifadə edir.
Bakues serverinin standart giriş jurnalında IP ünvanı, sorğunun vaxtı, istənilən səhifənin və ya faylın yolu, cavab kodu və cavab müddəti qeyd olunur. Axtarış sözləri olan sorğu parametrləri bu jurnala yazılmır. Jurnal gündəlik dövriyyəyə alınır və cari faylla yanaşı əvvəlki 14 jurnal faylı saxlanılır. Bu qayda Bakues serverinin giriş jurnalına aiddir. Könüllü statistikanı söndürdükdə də xəbəri çatdırmaq üçün şəbəkə bağlantısı qurulur.
Könüllü statistika və reklamlar
«İstifadə statistikasını paylaş» seçimi ilkin olaraq sönülüdür. «Haqqımızda» bölməsində «Məxfilik» altında bu seçimi aktivləşdirsəniz, Bakues açdığınız səhifə və xəbərlərin, görünən və toxunduğunuz reklamların sayını hesablayır. Reklamlar səhifədəki yerə və həmin vaxt aktiv olan kampaniyaya görə seçilir.
Statistika üçün cihazın reklam identifikatoru və ya daimi oxucu identifikatoru göndərilmir. Eyni hadisəni təkrar saymamaq üçün server üç saat qüvvədə olan kodlardan istifadə edir. Həddindən artıq sorğunu məhdudlaşdırmaq üçün IP ünvanından müvəqqəti kod hesablanır. Statistikada fərdi hadisələr əvəzinə gün, xəbər və reklam kampaniyası üzrə cəmlər saxlanılır. Bu cəmlər üçün avtomatik silinmə müddəti təyin edilməyib.
Həmin seçimi istənilən vaxt söndürə bilərsiniz. Bundan sonra tətbiq yeni statistika göndərmir. Əvvəlki cəmlərdə ayrıca oxucuya aid qeyd olmadığı üçün bir nəfərin baxışlarını sonradan ayırıb silmək mümkün deyil.
Məzənnə, hava və video xidmətləri
Məzənnələri göstərmək üçün tətbiq Azərbaycan Mərkəzi Bankından günün rəsmi məlumatını alır. 1.3.0 versiyasının 8-ci yığımı Bakı üzrə hava məlumatı üçün Open-Meteo-ya şəhərin sabit koordinatlarını göndərirdi. 9-cu yığımda bu hava sorğusu çıxarılıb. Hava funksiyası cihazın yerini müəyyən etmir. Birbaşa bağlantı zamanı xidmət sorğunu göndərən şəbəkənin IP ünvanını görə bilər. Open-Meteo-nun məxfilik şərtləri
Bəzi xəbərlərdə YouTube və ya Vimeo videosu var. 9-cu yığımda pleyer yalnız üzərində provayderin adı yazılmış düyməyə toxunduqda yüklənir. Həmin seçimə qədər YouTube və ya Vimeo-dan pleyer və önizləmə şəkli istənilmir. Əvvəlki 8-ci yığımda xəbər açılarkən pleyer siz videonu oynatmadan da provayderə bağlana bilərdi. Provayder IP ünvanını və hansı videonun istəndiyini görə bilər. YouTube üçün məxfiliyi gücləndirilmiş pleyer istifadə olunur, Vimeo-ya izləməmək seçimi ötürülür. Google və YouTube məxfilik siyasəti · Vimeo məxfilik siyasəti
Reklama və ya sosial şəbəkə keçidinə toxunduqda həmin ünvan xarici tətbiqdə və ya brauzerdə açılır. Xəbər paylaşdıqda hansı xidmətə göndəriləcəyini cihazın paylaşım menyusunda özünüz seçirsiniz. Açdığınız xidmət məlumatları öz məxfilik qaydalarına əsasən emal edir.
Məxfilik sualları və silinmə müraciətləri
Məlumatlarınıza dair sual, çıxış və ya silinmə müraciəti üçün Bakues.az redaksiyasına yaza bilərsiniz. 9-cu yığımda reklamdan şikayət düyməsi e-poçt qaralaması açır. Onu nəzərdən keçirib göndərmək qərarını özünüz verirsiniz. Məktub göndərdikdə redaksiya e-poçt ünvanınızı və özünüzün paylaşdığınız məlumatları müraciətə baxmaq və cavab vermək üçün emal edir.
